Moderatorja dhe ish-banorja e “Big Brother VIP”, Kiara Tito, ishte e ftuar në emisionin “Goca & Gra”, ku foli hapur për jetën familjare dhe marrëdhënien me partnerin e saj, Luiz Ejlli.
Gjatë intervistës, Kiara ndau për publikun përjetimet e saj si nënë e vajzës Luna dhe tregoi për rolin e Luizit si baba, duke e përshkruar si shumë të përkushtuar. Por një pyetje e moderatoreve e vuri në një situatë të sikletshme: “A do ta falje tradhtinë e Luizit?”
Kiara nuk u shmang përgjigjes, por zgjodhi një qëndrim realist dhe të sinqertë:
“Shiko, unë nuk e kam provuar si ndjesi. Larg qoftë nëse ndodh. Ti nuk e di asnjëherë si do reagosh po se provove në lëkurën tënde. Është e thjeshtë të gjykosh nga jashtë.”
Ajo shtoi se, nëse një situatë e tillë do të ndodhte ndonjëherë, reagimi i saj nuk do të ishte aspak i mirë:
“Kam përshtypjen shumë keq. Deri tani nuk e kam provuar.”
