Ish-finalistja e Big Brother VIP Kosova, Elijona, ka vendosur të sqarojë publikisht marrëdhënien që vazhdon të ketë me Klodi pas përfundimit të spektaklit. Pas aludimeve të shumta në rrjet për një romancë apo edhe fejesë mes tyre, ajo tregoi se raporti mbetet thjesht miqësor.
E ftuar në një intervistë, Elijona u shpreh se vazhdon ta vlerësojë shumë Klodin dhe se komunikimi mes tyre është ende i afërt, ashtu si gjatë qëndrimit në shtëpinë e BBVK. Sipas saj, ata kalojnë mirë bashkë, por aktualisht nuk ka asnjë hap drejt një lidhjeje romantike.
Ajo komentoi gjithashtu lajmet që kanë qarkulluar kohët e fundit në rrjetet sociale dhe portalet rozë, duke mohuar zërat për një fejesë të mundshme. Ish-banorja theksoi se bëhet fjalë vetëm për thashetheme dhe se nuk ka asgjë të vërtetë pas këtyre pretendimeve.
Deklarata e saj ka rikthyer sërish vëmendjen te dyshja, të cilët prej kohësh janë komentuar nga fansat për afrimitetin dhe raportin e ngushtë që krijuan gjatë eksperiencës në reality show.
