Moderatorja e dashur për publikun, Arbana Osmani, ka bërë së fundmi një postim që ka ngritur shumë pikëpyetje në rrjete sociale. Edhe pse prej disa vitesh është larguar nga “Top Channel”, Arbana duket se ruan kujtime të forta dhe ndjenja mirënjohjeje për këtë televizion ku nisi karrierën e saj.
Në një postim të ndjerë në Instagram, ajo kujtoi themeluesin e Top Medias, Dritan Hoxha, duke i shprehur respekt dhe dashuri për gjithçka që ka mësuar prej tij. “Përgjithmonë mirënjohëse”, shkroi Arbana në mbishkrimin e fotos, një frazë që u interpretua nga shumë si një mesazh me domethënie të fshehtë.
Pas këtij gjesti, ndjekësit kanë shpërthyer me komente dhe hipoteza – disa janë të bindur se moderatorja mund të jetë në prag të një rikthimi të bujshëm në “Top Channel”, ndërsa të tjerë e shohin postimin si një kujtim nostalgjik për fillimet e saj profesionale.
Për momentin, Arbana nuk ka bërë asnjë koment për thashethemet që qarkullojnë, por fansat janë të bindur se diçka po përgatitet pas kuintave.
