Arbana Osmani, një nga figurat më të dashura të ekranit shqiptar, po përgatit rikthimin e saj me disa projekte që priten me interes të madh nga publiku.
Pas suksesit të sezonit të parë, “Mirëmbrëma Yje” do të rikthehet në shtator me sezonin e dytë, duke vijuar të sjellë emocione, histori frymëzuese dhe personazhe të spikatur të shoqërisë shqiptare.
Por nuk mbaron me kaq.
Moderatorja është gjithashtu në fazat finale të përgatitjes për një reality show të ri, që do të fokusohet te talentet e reja nga fusha të ndryshme të artit, duke hapur hapësira për emra të rinj dhe energji të freskët në skenën shqiptare.
Si pjesë e surprizave, Arbana ka paralajmëruar edhe një projekt ekskluziv për YouTube, i cili mbetet ende mister, pasi ajo nuk ka dhënë detaje mbi përmbajtjen apo datën e publikimit.
Ndërkohë, ajo ka konfirmuar se ka bërë një ndryshim të rëndësishëm në “shtëpinë e saj mediatike”, duke lënë pas një televizion ku ka punuar për vite me radhë – një vendim që sinjalizon fillimin e një kapitulli të ri në karrierën e saj.
