Pas muajsh zërash për ndarje dhe spekulime në rrjete sociale, Stresi ka konfirmuar zyrtarisht rikthimin me Keisin. Dyshja janë shfaqur bashkë në një nga klipet më të fundit të reperit, duke i dhënë fund thashethemeve dhe duke vulosur një tjetër kapitull në marrëdhënien e tyre të përfolur.
Ribashkimi i çiftit është pritur me entuziazëm nga publiku dhe personazhe të njohur, mes tyre edhe modelja Arbenita Ismajli. Në një koment që ka tërhequr vëmendjen e rrjetit, ajo shkruan:
“Një duartrokitje për Stresin, u tregua shumë burrë.”
Ky reagim është interpretuar si një shenjë mbështetjeje për vendimin e çiftit, dhe një vlerësim për qëndrueshmërinë e dashurisë që sfidon sfidat. Fansat nuk kanë ngurruar ta konsiderojnë këtë si një moment pozitiv për të gjithë ata që besojnë në pajtime të sinqerta dhe ripërtritje të ndjenjave.
