Vetëm pak ditë më parë, ish-banori i njohur i “Big Brother Vip Kosova”, Patris Berisha, dhe modelja Santiana Maloku i dhanë fund historisë së tyre të shkurtër të dashurisë. Lajmin e ndarjes e konfirmoi e para Santiana, e cila me një njoftim publik i dha fund thashethemeve, duke pranuar se tashmë rrugët e tyre janë ndarë përfundimisht.
Megjithatë, ajo nuk ka preferuar të japë detaje mbi arsyet që çuan çiftin drejt prishjes së marrëdhënies. Kjo ka lënë hapësirë për spekulime dhe pyetje nga ndjekësit e tyre.
Një element që ka tërhequr vëmendjen është fakti se, duke hedhur një sy në llogarinë në Instagram të Patrisit, shihet se ai ende mban të gjitha fotot me ish-bashkëshorten e tij, këngëtaren Tuna Sejdi, me të cilën ka edhe dy djem.
Ky gjest ka ngritur dyshime tek fansat, të cilët aludojnë se ruajtja e kujtimeve me Tunën mund të ketë ndikuar në marrëdhënien e tij me Santianën. Edhe pse Patrisi nuk ka bërë asnjë koment publik, fakti që fotot e vjetra nuk janë fshirë mbetet një shenjë që nxit më shumë pyetje sesa përgjigje.
Në rrjetet sociale tashmë po qarkullojnë diskutime të shumta, me ndjekës që spekulojnë se respekti i Patrisit për Tunën dhe lidhja e fortë që kanë për shkak të fëmijëve, mund të ketë qenë një pengesë për romancën e re me Santianën.
Çfarëdo qoftë e vërteta, një gjë mbetet e sigurt: ndarja mes Patrisit dhe Santianës ka lënë pas shumë pikëpyetje.
