Reperi i njohur Don Xhoni ka bërë sërish bujë në rrjete sociale, këtë herë me disa foto intriguese që kanë lënë ndjekësit pa fjalë.
Në imazhet që publikoi në Instagram, Don Xhoni shfaqet në mes të një shkretëtire, në krah të një vajze misterioze, identiteti i së cilës mbetet i panjohur.
Pa asnjë sqarim konkret, reperi shkroi në përshkrim vetëm një kod enigmatik: “KB1 111 1 11”, që shumë fansa e kanë interpretuar si një paralajmërim për projektin e tij të ardhshëm muzikor.
Pak pas postimit, fotot u fshinë menjëherë nga llogaria e tij, duke e bërë situatën edhe më misterioze dhe duke ndezur aludimet se bëhej fjalë për diçka më shumë se një klip muzikor.
Më vonë, Don Xhoni reagoi sërish, duke thënë me humor se gjithçka ishte “për shaka”, por fansat nuk duken aq të bindur.
A është vërtet një lojë me publikun apo një mënyrë për të krijuar zhurmë para publikimit të projektit të ri? Kjo mbetet për t’u parë – por një gjë është e sigurt: reperi di si ta mbajë vëmendjen të gjithë tek vetja.
