Rrjetet sociale sërish në flakë pas një veprimi që flet më shumë se çdo status apo deklaratë publike. Dy emrat e njohur të skenës dhe showbiz-it shqiptar, Stresi dhe Gjesti, duket se po kalojnë një periudhë të ftohtë në raportet mes tyre.
Gjithçka nisi pas shpërndarjes së një videoje virale, në të cilën protagoniste ishin Jozi dhe Stresi. Pavarësisht zhurmës mediatike dhe thashethemeve që pasuan, Gjesti vendosi të bëjë një lëvizje të papritur: e hoqi Stresin nga lista e ndjekësve në Instagram.
Ky veprim ngjalli reagime të shumta, sidomos duke pasur parasysh që Stresi ka qenë një nga mbështetësit më të zëshëm të Gjestit gjatë qëndrimit të këtij të fundit në Big Brother VIP, ku e ka përkrahur hapur në rrjete sociale dhe intervista.
Por as Stresi nuk e la pa përgjigje. Në një reagim të heshtur, por domethënës, ai e hoqi gjithashtu Gjestin nga ndjekësit e tij – duke krijuar bindjen se një “unfollow” i dyanshëm nuk është aspak rastësor.
Aktualisht, asnjëri prej tyre nuk ka bërë ndonjë deklaratë zyrtare, por “heshtja digjitale” po interpretohet nga fansat si shenja e parë e një krisjeje serioze në raportin e tyre.
A është ky thjesht një tension i përkohshëm, apo fundi i një miqësie që lindi para kamerave dhe përfundoi pas ekranit?
