Zërat për një përplasje të fshehtë mes Selena Gomez dhe Hailey Bieber janë rikthyer me forcë, pasi fansat vunë re se të dyja nuk e ndjekin më njëra-tjetrën në rrjetet sociale. Ky veprim i thjeshtë, por domethënës për botën dixhitale, ka mjaftuar që interneti të shpërthejë me spekulime për marrëdhënien e tyre.
Edhe pse Selena, 32 vjeç, dhe Hailey, 28 vjeç, kanë mohuar herë pas here përçarje mes tyre, duke insistuar se nuk ka asnjë armiqësi, veprimet në rrjete sociale tregojnë një tablo ndryshe për ndjekësit e tyre.
Tensionet e përfolura vazhdojnë të lidhen me Justin Bieber – bashkëshorti i Hailey-t dhe ish-i dashuri i Selenës – duke ringjallur një histori që fansat nuk e kanë harruar lehtë.
Asnjëra prej tyre nuk ka reaguar publikisht për këtë “unfollow” të ndërsjelltë, por një gjë duket e qartë: drama në botën online nuk ka ndërmend të pushojë.
