Ish-banorja e Big Brother VIP Albania 4, Egli Tako, ka reaguar publikisht pas thashethemeve për një lidhje të re, të nisura pasi ajo u pa në shoqërinë e një mashkulli misterioz gjatë pushimeve. Pamjet e saj duke kërcyer me të kanë nxitur aludime në mediat rozë, por këngëtarja ka mohuar çdo romancë, duke theksuar se bëhet fjalë për një mik të vjetër.
Në një postim të gjatë në rrjetet sociale, Egli shprehu indinjatën për përfshirjen e personave të tjerë në lajme të pavërteta, duke theksuar se edhe sikur të kishte një partner, nuk do të shfaqej publikisht në atë formë. Ajo i quajti shpifje lajmet që qarkulluan dhe kërkoi respekt për privatësinë e saj dhe të rrethit shoqëror.
Mesazhi i saj përfundoi me një paralajmërim ironik ndaj mediave: edhe sikur të ishte në shoqërinë e babait të saj, ata do të shkruanin tituj provokues.
