Amber mohon një lidhje mes Egli Takos dhe Gjestit: “S’ka qenë ndonjëherë lidhje”
Ish-banorja e Big Brother VIP Albania 4, Amber, ka komentuar së fundmi raportin e përfolur mes Egli Takos dhe Gjestit, duke dhënë një deklaratë të qartë dhe të drejtpërdrejtë.
Në një intervistë, Amber—e njohur për sinqeritetin dhe qëndrimet e saj të hapura—ka mohuar kategorikisht që mes dyshes të ketë pasur ndonjë lidhje romantike.
“S’ka qenë ndonjëherë lidhje. Jo,” është shprehur ajo prerazi.
Duke folur për marrëdhënien e saj me Eglin, Amber theksoi se kanë mbajtur kontakte edhe pas përfundimit të spektaklit, përpara se këngëtarja të niste angazhimet me koncertet e shumta.
Ajo shtoi se ruan një konsideratë të lartë për Eglin dhe raportin e tyre e përshkroi si miqësor dhe të ndërtuar mbi mirëkuptim dhe respekt të ndërsjellë.
“Egli te unë fiton një respekt. Kemi folur edhe pas Big Brother, por tani është shumë e zënë me koncertet,” tha Amber.
