Egli Tako ka tërhequr vëmendjen e ndjekësve të saj në Instagram me një seri fotografish ku shfaqet e veshur me kostume tradicionale shqiptare, të punuara me mjeshtëri të rrallë.
Në postimin e fundit, Egli prezanton tri veshje të ndryshme, secila më elegante dhe simbolike se tjetra, duke i dhënë një frymë moderne trashëgimisë kulturore.
Në njërën prej pamjeve, ajo shfaqet me fustan të kuq të zbukuruar me qëndisje floriri dhe dantellë të bardhë, që i jep një pamje të sofistikuar. Në një tjetër, Egli mahnit me një fustan të zi luksoz me detaje të arta, ndërsa serinë e mbyll me një veshje të bardhë prej dantelle, të kombinuar me jelek të punuar me dorë.
Postimi ka marrë qindra komente dhe komplimente nga ndjekësit, të cilët e kanë vlerësuar mënyrën se si Egli ka përçuar bukurinë e veshjeve tradicionale në një format modern dhe inspirues.
Kjo paraqitje është një tjetër dëshmi se Egli Tako nuk është vetëm ikonë stili, por edhe një zë i fuqishëm për promovimin e kulturës shqiptare në rrjete sociale.
