Eliminimi i Erikut nga Big Brother VIP Albania ka shkaktuar reagime të shumta në rrjete sociale, por një nga më të zhurmshmet ka qenë reperi G Bani. Përmes një postimi ironik dhe kritik, ai ka vënë në pikëpyetje jo vetëm vendimin e publikut, por edhe standardet e këtij edicioni të BB VIP.
“Publiku vendosi. Përputhen, vendosi,” shkruan G Bani me tone sarkastike, duke lënë të kuptohet se vendimi ishte i parashikueshëm dhe jo gjithmonë i drejtë. Ai kritikon veçanërisht momentin e pyetjes së moderatorit Ledion Liço, pak para leximit të verdiktit, duke vënë në pah kontrastin mes mënyrës së shprehurit të banorëve.
Reperi i krahasoi “fjalët e artikuluara plot kuptim” të Erikut me, siç i quan ai, “gek-meket” e Mateos, duke ironizuar nivelin e komunikimit brenda shtëpisë. Sipas tij, kjo diferencë nuk u reflektua aspak në vendimin final, duke e bërë të gjithë procesin të duket i pavlerë.
“Ky BB është VIP my ass!” përfundon G Bani, duke shprehur zhgënjimin e tij me formatin aktual të spektaklit. Ai shton edhe një thumb tjetër: “Ky është ‘Përputhen me bisht’”, duke krahasuar Big Brother VIP me një tjetër format televiziv, më pak serioz sipas tij.
Reagimi i reperit ka ndezur debat mes ndjekësve: disa bien dakord me kritikat për nivelin e lojës dhe përzgjedhjen e finalistëve, ndërsa të tjerë mbrojnë vendimin e publikut, duke theksuar se ai mbetet gjithmonë i pakontestueshëm.
