Reperi i njohur shqiptar, Capital T, dhe modelja e famshme Adrola Dushi, duket se po e shijojnë çdo moment së bashku – këtë herë larg kamerave, thashethemeve dhe jetës së përditshme.
Dyshja kanë zgjedhur Toskanën piktoreske në Itali për një fundjavë romantike, ku nuk kanë munguar as postimet me mesazhe të nënkuptuara.
Në disa fotografi të shpërndara nga Capital T në rrjetet sociale, ai shihet duke shijuar çaste intime pranë Adrolës – përfshirë një imazh ku ata duken duke mbajtur duart dhe duke buzëqeshur mes qetësisë së natyrës.
“Çfarë fundjave“, ka shkruar reperi në përshkrimin e fotos, një koment i shkurtër, por që ngjalli menjëherë reagime dhe komente të shumta nga ndjekësit, të cilët duket se tashmë janë më të bindur se mes tyre ka më shumë se miqësi.
Adrola, edhe pse nuk ka postuar shumë, është parë në të njëjtin vend, duke shtuar më tej dyshimet për një lidhje që tashmë po bëhet gjithnjë e më publike.
A është kjo fundjava e konfirmimit të një romance që është përfolur prej kohësh? Mbetet të shihet… por fotot flasin më shumë se fjalët.
