Rrjetet sociale janë vënë në lëvizje pas një ndërveprimi që nuk i ka shpëtuar syrit të fansave. Ish-banori i “Big Brother VIP Kosova”, Gjesti, ka lënë një koment intriguese në një nga postimet e Kader Kicaj në Instagram – një emoji çokollate 🍫.
Por ajo që e ka ndezur edhe më shumë situatën, është përgjigjja spontane e Kaderit:
“Jom”, duke bërë një lojë fjalësh me emojin dhe duke e pranuar në mënyrë lozonjare epitetin që Gjesti i ka vendosur.
Kaq ka mjaftuar që komentet dhe teoritë të shpërthejnë. Flirt publik? Ngacmim i pafajshëm? Apo sinjale për një afrim më të thellë?
Ndjekësit e tyre e kanë vënë re prej kohësh një intensitet të pazakontë në pëlqimet dhe ndërveprimet mes dyshes. Edhe pse asnjëri nuk ka konfirmuar ndonjë marrëdhënie, atmosfera në rrjet flet ndryshe.
Për momentin, Gjesti dhe Kaderi po luajnë me kuriozitetin e publikut, duke lënë gjithçka të mbështjellë me mister.
A është ky fillimi i një çifti të ri në showbiz? Mbetet për t’u parë…
