Alba Pollozhani është prezantuar zyrtarisht si banorja më e re e “Big Brother VIP Kosova”. Që në momentet e para të hyrjes, ajo u përball me pyetjen që të gjithë prisnin: “A je single apo në një lidhje?”.
Alba nuk dha një përgjigje të qartë, duke e përshkruar statusin e saj sentimental si “pak të ndërlikuar”, çka vetëm sa shtoi misterin dhe interesin e publikut për jetën e saj private.
Emri i Pollozhanit ka qenë shpesh në qendër të vëmendjes, sidomos pas pjesëmarrjes në “Ferma VIP”, ku u komentua gjerësisht për raportin e saj me Lim Hotin. Asokohe, u përfol madje se dyshja kishin pasur marrëdhënie intime brenda programit, gjë që shkaktoi debate të mëdha dhe reagime të shumta në rrjetet sociale.
Tashmë, me hyrjen e saj në BBVK, pritet që Alba të sjellë dinamika të reja, tensione, surpriza dhe shumë material për diskutime. Publiku mbetet në pritje për të parë nëse ajo do të hapë një kapitull të ri romantik, do të përballet me të shkuarën apo do të krijojë një histori edhe më të bujshme në këtë reality show.
