Provat e prezantuara në gjyqin penal të Sean “Diddy” Combs kanë hedhur dritë mbi detaje befasuese nga dhoma e tij në hotelin luksoz Park Hyatt në Manhattan, ku ai u arrestua më 16 shtator 2024.
Hetuesit zbuluan qindra shishe me vaj për fëmijë, lubrifikantë, drogë (ketaminë dhe ekstazi), një shishe ilaçesh me emrin “Frank Black” që përmbante clonazepam, si dhe 9,000 dollarë . Provat u shoqëruan me dëshminë e agjentit special Yasin Binda, i cili tha se Combs nuk dukej i shqetësuar për ndonjë kontroll të mundshëm.
Ish-e dashura e tij, Cassie Ventura, dëshmoi se vajrat përdoreshin në “Freak Offs” – orgji të organizuara ku ajo detyrohej të merrte pjesë. Ajo përshkroi një rast kur Combs e futi në një pishinë të fryrë me vaj për fëmijë dhe e poshtëronte nëse “nuk shkëlqente mjaftueshëm”.
Avokatja e Diddy-t, Teny Geragos, e quajti gjithë këtë një përpjekje për ta kriminalizuar jetën e tij personale: “Dashuria për vajin e foshnjës nuk është krim federal.”
