Pas lajmeve për ndarjen e tyre, duket se këngëtari i njohur Jozi dhe partnerja e tij, blogerja Xhoana, i kanë dhënë fund krizës.
Lajmi për ndarjen e tyre u përhap me shpejtësi, pasi Jozi e kishte hequr Xhoanën nga “Instagram”-i, ndërsa ajo publikonte postime me nënkuptime si: “Nuk e di as vetë çfarë po ndodh”. Kjo ndezi dyshimet se çifti kishte probleme serioze.
Megjithatë, duket se marrëdhënia është rikthyer në binarë. Ishte pikërisht Xhoana ajo që zgjodhi ta konfirmojë pajtimin përmes një videoje në “Instastory”, ku shihej Jozi gjatë një interviste në “n’Kosovë Show”, të shoqëruar me një emoji kurorë — një simbol dashurie dhe mbështetjeje që s’e la vend për dyshime.
Burime pranë çiftit kanë treguar se edhe pse ka pasur tensione, lidhja e tyre nuk ka marrë fund. “Ka pasur një krizë, por jo ndarje përfundimtare”, – thuhet nga të afërtit e tyre.
Jozi dhe Xhoana u njohën menjëherë pas daljes së këngëtarit nga “Big Brother VIP Albania”, dhe që atëherë janë parë shpesh bashkë në evente publike e koncerte, ku Xhoana e ka mbështetur hapur partnerin.
Në intervistën e fundit, Jozi u pyet edhe për unazën e famshme të dasmës me Loredanën, ku ai u përgjigj me humor:
“Nuk e di ku ka mbetur, ndoshta duhet ta kërkojmë tek ndonjë cep apo tek argjendaria.”
Këngëtari gjithashtu konfirmoi se është në një lidhje dashurie, por pa zbuluar shumë detaje:
“Po, jam i dashuruar. Prej disa kohësh. Nuk është personazh publik, por është shqiptare.”
Edhe pse çifti ka kaluar një periudhë të vështirë, duket se dashuria ka fituar sërish dhe Jozi e Xhoana i janë rikthyer njëri-tjetrit më të bashkuar se më parë.
