Një tjetër situatë e tensionuar ka tronditur shtëpinë e Big Brother VIP 5, pasi Vëllai i Madh ka dërguar një zarf të zi, duke sinjalizuar një ndëshkim serioz për shkelje të rregullave. Këtë herë, në qendër të vëmendjes ka qenë banori Keijsi.
Sipas njoftimit zyrtar, Keijsi ka shkelur rregullat duke mos iu bindur disa herë udhëzimeve të Vëllait të Madh. Reagimet e tij janë cilësuar si sfiduese dhe kundërshtuese, çka ka detyruar produksionin të ndërhyjë me masa ndëshkuese.
Megjithatë, vendimi nuk ka prekur vetëm Kejsin. Për shkak të mosreagimit dhe heshtjes së banorëve të tjerë, të cilët nuk kanë ndërhyrë për të qetësuar situatën apo për të respektuar rregullat e shtëpisë, Vëllai i Madh ka marrë një dënim kolektiv.
Si masë ndëshkuese, banorëve u janë hequr të gjitha cigaret – një vendim që ka shkaktuar pakënaqësi dhe reagime të forta brenda shtëpisë. Përveç kësaj, është marrë edhe një tjetër masë drastike: mbyllja e dhomës së gjumit, e cila do të mbetet e mbyllur për një afat të pacaktuar.
Ky vendim ka sjellë reagime të menjëhershme mes banorëve, duke rritur tensionin dhe duke prishur ekuilibrat brenda shtëpisë më të famshme në Shqipëri. Mbetet për t’u parë nëse ky ndëshkim do të ndikojë në sjelljen e Kejsit dhe në dinamikat e ditëve në vijim.
