Debatet rreth Big Brother VIP Kosova janë rindezur, pasi Labinot Rexha ka hedhur një pretendim që ka bërë bujë të madhe. Gjatë një bisede me Fjollën, ai deklaroi se fitoren e Stresit në edicionin e parë ia kishte siguruar pikërisht ai dhe rrethi i tij shoqëror, duke u shprehur se mbështetja e tyre ishte vendimtare.
Deklarata u përhap menjëherë në rrjet, ndërsa fituesi i sezonit të parë, Arkimed Lushaj – i njohur si Stresi – nuk e la pa reaguar. Me humor, ai tha:
“Unë jam mirënjohës gjithmonë… por qenka Labinoti ai që paskam harruar ta falenderoj.”
Megjithatë, reagimi i reperit nuk mbeti vetëm në nota ironike. Ai e kundërshtoi hapur pretendimin:
“Aty është lojë dhe ai është duke shpifur shumë. Nëse lojtarët e hajnë këtë dhe populli, le ta hajnë me shnet. Nuk është e vërtetë! Mik e kam, por çfarë nxjerr prej goje e di vet ai.”
Në fund, Stresi u pyet edhe për favoritët e këtij edicioni. Për habinë e publikut, ai nuk zgjodhi emrat më të përfolur, por theksoi:
“Elijona është e preferuara ime absolute këtë vit.”
Deklarata të forta, ironi, përplasje dhe një favorit i papritur — Big Brother VIP Kosova vazhdon të prodhojë lajme edhe jashtë shtëpisë.
