Në “Big Brother VIP Kosova” u zyrtarizua një zhvillim historik: shkëmbimi i banores Dolce me edicionin italian të “Grande Fratello”. Ky hap duket se ka trazuar ujërat në Tiranë, duke sjellë një reagim të nënkuptuar nga moderatori Ledion Liço.
Për t’u rikujtuar, ideja e bashkëpunimit me “Grande Fratello” u prezantua fillimisht nga vetë Ledioni gjatë sezonit të “Big Brother VIP Albania”, por nuk u realizua kurrë.
Pak orë pas njoftimit të këtij zhvillimi në Kosovë, Ledioni publikoi një citim të Steve Jobs në Instastory, i cili është interpretuar nga shumë si një thumb ndaj situatës. Citatet e Jobs thoshin: “Idetë janë të lehta. Pjesa e vështirë është të zgjohesh çdo ditë dhe t’i kthesh ato në realitet.”
Ky postim është parë si një koment indirekt mbi faktin se, ndërsa ideja e bashkëpunimit mund të ishte e “Big Brother VIP Albania”, është “Big Brother VIP Kosova” që e realizoi atë në praktikë, duke theksuar diferencën mes fjalëve dhe veprave.
