Prej disa ditësh qarkulloi lajmi se Loredana Brati nuk do të shfaqet më në rolin e “Kupidit”, duke shkaktuar valë reagimesh nga publiku. Në rrjetet sociale u përfol se arsyeja lidhej me një marrëdhënie të mundshme me konkurrentin Kejsi Hyseni, por këto mbetën vetëm thashetheme.
E lodhur nga spekulimet, Loredana reagoi ashpër në Instagram. Ajo i quajti “skandal” lajmet e portaleve që, sipas saj, shpikin histori për klikime:
“SKANDAL janë vetëm lajmet tuaja të shëmtuara që për pak klikime kërkoni të merrni më qafë figurën time duke më lidhur me këdo që afrohet më shumë se 1 metër. T’ju vijë turp!” – shkroi ajo.
Në një tjetër postim ironizoi edhe burimet e portaleve:
“Edhe, i thoni atyre burimeve tuaja të sigurta që s’janë aspak të sigurta.”
Me këtë reagim, Loredana e bëri të qartë se nuk ka ndërmend të lejojë që emri i saj të përdoret për lajme të rreme.
