“Marrëdhëniet me njerëzit e afërt i mbaj të mira” – Ana Kallaku për raportin me Xhensilën

Ndarja e Bes Kallakut dhe Xhensila Myrtezajt ka qenë një nga temat më të diskutura në rrjetet sociale. Në një intervistë për emisionin “Studio A” në ATV, motra e aktorit, Ana Kallaku, ka folur hapur për këtë situatë dhe për marrëdhënien e saj me Xhensilën.

Ana ka theksuar se edhe pas ndarjes, ajo ka ruajtur një marrëdhënie të mirë me ish-bashkëshorten e vëllait të saj. “Unë gjithmonë kam pasur për qëllim që marrëdhëniet me njerëzit e afërt t’i mbaj të mira, dhe kështu e kam bërë me këdo që ka qenë pjesë e jetës sime,” u shpreh ajo.

Kjo deklaratë e Anës ka ngjallur reagime të ndryshme në rrjetet sociale, duke rikthyer në vëmendje marrëdhëniet e ndryshme që ndjekin pas ndarjes së çiftit.