Pas gjashtë muajsh që nga ardhja në jetë e vajzës së saj, aktorja Ana Lika ka vendosur të ndajë me publikun portretin e vogëlushes Marvel.
Ana dhe partneri i saj, Bjordi Mezini, u bënë prindër për herë të parë gjashtë muaj më parë, por deri sot kanë ruajtur privatësinë e të bijës.
Në një postim plot emocion në Instagram, Ana shkroi:
“Mrekullia ime Marvel. Sot bën 6 muaj dhe unë nuk e di se si kaluan kaq shpejt këto ditë. Nuk ngopem me buzëqeshjen tënde (dhe tulet e tua). Faleminderit që më dhe emrin ‘mami’. Të dua pafund, poçi im i vogël.”
Me humor, ajo i kërkoi edhe ndjesë të bijës për publikimin e fotos:
“P.S.: Më fal që të nxori mami me fytyrë në Instagram, e di që e ke qejf privatësinë.”
Ana dhe Bjordi, të cilët u njohën gjatë xhirimeve të serialit “Hot”, e bënë publike romancën e tyre një vit më vonë përmes rrjeteve sociale.
