Pas intervistës së bujshme të Elsa Lilës në “Mirëmbrëma Yje” me Arbana Osmanin, ku ajo foli hapur për Festivalin e Këngës 61 dhe për mënyrën se si Shqipëria u përfaqësua në Eurovision, shumë sy u drejtuan nga Albina Kelmendi.
Elsa nuk i kurseu fjalët, duke e cilësuar atë edicion si “të manipuluar” dhe “të padrejtë”:
“Hakmarrja është një pjatë që serviret e ftohtë. Votat janë blerë nga publiku,” – tha ajo, duke shtuar me ironi se dikur Albina kishte qenë në skuadrën e saj në “The Voice of Albania”:
“E bëra me duart e mia, me diturinë dhe artin tim.”
Deklaratat ndezën rrjetet sociale dhe sollën një valë reagimesh, por Albina zgjodhi heshtjen. Asnjë reagim, asnjë koment — deri sot.
Këngëtarja është rikthyer në rrjete sociale me një video nga një dasmë gjakovare, duke u shfaqur plot energji dhe buzëqeshje. Në përshkrimin e postimit, ajo shkroi:
“Tu bo qejf në një dasëm Gjakovare, aty ku tradita e kultura nuk mungojnë! Urime martesa shoku Taulant 🤗”
Ky postim, ndonëse pa asnjë referencë direkte për deklaratat e Elsa Lilës, u interpretua nga ndjekësit si një përgjigje e qetë dhe inteligjente — një mënyrë për të treguar se ajo nuk ndikohet nga polemikat dhe zgjedh të vazhdojë me pozitivitet e muzikë.
Në vend të debateve, Albina foli me buzëqeshje — dhe kjo duket se ka fituar më shumë se çdo koment publik.
