Këngëtarja e njohur shqiptare Melinda Ademi ka ndarë me ndjekësit një nga momentet më të bukura të jetës së saj: propozimin për martesë nga partneri Granit Muhaxheri.
Ngjarja u zhvillua në një ambient magjik buzë detit, gjatë perëndimit të diellit. Graniti kishte përgatitur një skenë tejet romantike: një pistë e ndriçuar, e zbukuruar me lule, dhe një shenjë dekorative në formë zemre ku shkruhej: “A do të martohesh me mua?” ✨
Mini fishekzjarrët anësorë i shtuan shkëlqim dhe emocion momentit, ndërsa Graniti u ul në gjunjë dhe i bëri Melindës propozimin.
Në një postim tjetër, këngëtarja konfirmoi përgjigjen e saj emocionuese: po! 💍❤️
Çifti tani duket gati të hapë një kapitull të ri të jetës së tyre, ndërsa fansat nuk ndalen së përgëzuari për këtë moment të veçantë.
