Loredana Brati dhe Don Xhoni janë bërë një nga dyshet më të përfolura në rrjet kohët e fundit, duke tërhequr vëmendjen e ndjekësve me ndërveprimet e tyre publike.
Komente, pëlqime dhe shenja “virtuale” afrimiteti kanë ndezur thashethemet për një raport të veçantë mes tyre, shkruan “Kosovarja”. Ajo që i ka shtuar edhe më shumë zërat është fakti që Loredana ka nisur ta ndjekë Don Xhonin në Instagram – një lëvizje që nuk ka kaluar pa u vënë re.
Por ndryshe nga ajo, Don Xhoni nuk e ka kthyer ndjekjen. Në fakt, profili i tij ka vetëm një person të ndjekur – një zgjedhje që mund të jetë pjesë e një imazhi të kujdesshëm publik… ose ndoshta fshihet diçka më shumë?
Çfarë po ndodh mes tyre – flirt, miqësi apo thjesht lojë me vëmendjen? Kjo mbetet për t’u zbuluar në ditët në vijim.
