Ish-banorja e “Big Brother VIP 4”, Loredana Brati, e njohur për karakterin e saj të drejtpërdrejtë dhe humorin natyral, është rrëfyer së fundmi për një periudhë të vështirë që po kalon pas daljes nga formati televiziv.
E ftuar në emisionin “Goca dhe Gra”, Loredana tha se përvoja brenda shtëpisë nuk ka qenë aspak e lehtë për të dhe se ndikimi emocional ka qenë i madh.
“Ndjej shumë energjitë… e gjithë ajo eksperiencë ndikoi tek mirëqenia ime. E kuptova që nuk isha mirë kur humba dëshirën për të ngrënë. Kur dola dhe pashë videot nga jashtë, më dhembën shumë – si thikë në plagë,” – u shpreh ajo, ndërsa tregoi se është përpjekur të qëndrojë pranë njerëzve që i japin energji pozitive për të gjetur veten sërish.
Ajo shtoi se nuk ndjehet ende në formën e saj më të mirë:
“Kur hyra, kisha një dritë tjetër. Kur dola, e pashë që ajo dritë ishte zbehur. Tani po mundohem ta rikuperoj veten, por nuk është e lehtë.”
Sa i përket marrëdhënies së saj me Jozin, për të cilën publiku ka pasur shumë kuriozitet, Loredana u shpreh se nuk është ende gati të flasë hapur:
“E kam analizuar shumë. Veten, ndjenjat, raportin me palën tjetër… por nuk ndihem mirë të flas për këtë tani. Do vijë momenti kur do them gjithçka. Vetëm pak kohë ju kërkoj.”
