Pas përfundimit të spektaklit “Big Brother VIP Albania”, duket se lidhja mes Livias dhe Rozana Radit ka mbetur po aq e fortë sa brenda shtëpisë. Në një postim të ndjerë në rrjete sociale, Rozana ka uruar publikisht mikeshën e saj për ditëlindje, duke i dedikuar fjalë plot dashuri e mirënjohje.
Ajo kujtoi se miqësia mes tyre lindi krejt papritur, gjatë ditëve të izolimit, dhe se ka mbijetuar përtej lojës, zhurmës e sfidave, sepse ishte ndërtuar mbi baza të sinqerta.
“Ti je uragani im i vogël, plot energji dhe zjarr, që më merr me vete pa paralajmërim. Më ke mësuar të shoh botën ndryshe, me më shumë ndjeshmëri dhe forcë,” – shkruan Rozana, duke e quajtur Livia-n një bekim që nuk ka nevojë për fjalë të mëdha, por ndihet në praninë e saj.
Në fund, ajo i shpreh dëshirën që vitet e ardhshme të mos ia ndryshojnë Livias “maninë” për të kundërshtuar, duke e parë këtë si një nga anët më të bukura të saj.
