Aktori dhe moderatori i dashur për publikun, Bes Kallaku, ka tërhequr sërish vëmendjen me paraqitjet e tij të fundit në rrjete sociale. Ai është parë duke kaluar kohë të çmuar me dy fëmijët e tij, Ajkën dhe Amen, duke treguar një anë të ndjeshme dhe plot dashuri prindërore.
Edhe pse ai dhe këngëtarja Xhensila Myrtezaj i kanë dhënë fund martesës së tyre, marrëdhënia mes tyre si prindër duket se vazhdon të jetë e qëndrueshme dhe e respektueshme.
Fotot dhe videot e shpërndara kanë bërë xhiron e rrjetit, ndërsa fansat e kanë përgëzuar aktorin për përkushtimin ndaj familjes dhe mënyrën e pjekur me të cilën po e përballon ndarjen.
Ky ribashkim i ngrohtë ka sjellë shumë komente pozitive dhe emocione te ndjekësit që e kanë parë Besin si një shembull të mirë të bashkëprindërimit pas ndarjes.
