Moderatorja e njohur shqiptare Kiara Tito ka habitur ndjekësit me përgjigjet e saj në një pyetësor që hapi në “Instastory”.
Pyetjet që morën më shumë vëmendje kishin të bënin me linjat e saj trupore, të cilat ajo i ka rikthyer në formë perfekte pas lindjes së vajzës.
“Shumica mendojnë se kam mbajtur ndonjë dietë strikte, por e vërteta është se gjenetika ka qenë faktori kryesor,” u shpreh Kiara me sinqeritet.
Ajo shtoi se megjithëse nuk ka ndjekur ndonjë regjim të rreptë, ka krijuar një rutinë të shëndetshme, duke konsumuar proteina të pastra, pak sheqer dhe duke lëvizur çdo ditë.
“Sekreti im? Vetëm ujë, lëvizje dhe asnjë fiksim me peshoren!”, përfundoi Kiara, duke i dhënë fund të gjitha aludimeve mbi dietat apo trajtimet që mund të ketë ndjekur.
