Një situatë e tensionuar ka shpërthyer brenda shtëpisë së “Big Brother VIP Kosova”, duke tronditur si banorët ashtu edhe publikun. Ajo që në fillim u duk si një veprim i pafajshëm, u shndërrua shpejt në një përplasje të fortë mes Londrimit dhe Klodianit.
Gjatë një momenti loje, Londrimi u pa duke e kapur Klodianin për flokësh. Veprimi solli menjëherë reagimin e ashpër të Klodianit, i cili u ngrit në këmbë dhe e pyeti me tone të ngritura:
“Kujt po ia kap ti flokët ashtu?”
Atmosfera në shtëpi ndryshoi menjëherë, duke ndezur tensione të reja mes dy konkurrentëve. Më pas, Klodiani iu drejtua Vëllait të Madh, duke shprehur shqetësimin e tij dhe duke lënë të kuptohej se kjo nuk ishte hera e parë që ndihej i provokuar fizikisht:
“Vëllai i madh, sot grusht, tash i kapi flokët…”
Rregullorja e “BBVK” e konsideron çdo cenim fizik si shkelje të rëndë, e cila në të kaluarën ka çuar deri në përjashtime të menjëhershme. Tani, të gjithë sytë janë drejt produksionit dhe vendimit që do të marrë Vëllai i Madh, ndërsa publiku pret me padurim nëse Londrimi do të përballet me penalitete apo largim nga loja.
