Modelja e njohur Arbenita Ismajli ka tërhequr sërish vëmendjen në rrjetet sociale me një postim që ka nxitur shumë aludime. Këtë herë, ajo ka zgjedhur humorin dhe autoironinë për të dërguar një mesazh që për shumë ndjekës nuk duket aspak rastësor.
Arbenita ka ripostuar një video të personazhit “The Grinch” gjatë fëmijërisë, të shoqëruar me mbishkrimin:
“Unë dhe shija ime e çuditshme për meshkujt”, ndërsa në sfond dëgjohet kënga “My Type”.
Postimi është bërë viral dhe menjëherë ka ngritur pikëpyetje: a është ky një thumb i koduar për ish-partnerin e saj, reperin Fero?
Duke marrë parasysh marrëdhënien e tyre të komplikuar dhe faktin se kanë së bashku vajzën, Ninën, shumë ndjekës e kanë interpretuar këtë si një reflektim mbi zgjedhjet e saj të së kaluarës. Përshkrimi për “shije të gabuara” duket se përputhet me historinë e tyre, ndaj komentet dhe aludimet nuk kanë munguar.
Megjithatë, mbetet e paqartë nëse postimi është një mesazh i fshehur, një reagim ndaj së shkuarës, apo thjesht një moment humori dhe vetëdijeje nga ana e modeles.
Një gjë është e sigurt: Arbenita di si të jetë në qendër të vëmendjes dhe të ndezë diskutime me vetëm një postim.
