Gjykata Themelore në Gjilan ka lëshuar një urdhër-arrest dhe letër-rreshtim ndërkombëtar ndaj modeles së njohur, Arbenita Ismajli. Lajmi është konfirmuar nga Sabit Shkodra, zyrtar i Zyrës për Informim në Gjykatën e Shkallës së Parë, i cili theksoi se procedura është zhvilluar në përputhje me ligjin.
Hetimet ndaj Ismajlit nisën në qershor, pas dyshimeve se ajo nuk kishte zbatuar një vendim gjykate për takimet e vajzës së saj me babanë biologjik, këngëtarin Feronit Shabani. Sipas vendimit, babai kishte të drejtë ta takonte vajzën dy herë në muaj nëpërmjet Qendrës për Punë Sociale në Gjilan, por prokuroria pretendon se Ismajli e ka penguar zbatimin e kësaj marrëveshjeje.
Mes gjithë zhurmës mediatike, Arbenita ka zgjedhur të reagojë në një mënyrë të pazakontë: në një video të postuar nga makina, me këngën e Rihannas në sfond, ajo shprehet se e di çdo tekst të këngëve të saj “fjalë për fjalë”, duke lënë të kuptohet se po përballet me situatën pa humbur qetësinë.
Tani, sytë e publikut janë tek hapat e radhës që do të marrë drejtësia – dhe vetë Arbenita – në ditët që vijnë.
