Rina Balaj ka njoftuar se shumë shpejt do të vijë me një këngë të re. Lajmin e ka ndarë vetë artistja përmes një postimi në rrjetet sociale, duke rritur menjëherë pritshmëritë e fansave.
Projekti i ri titullohet “Ma Baby, Ma Friend” dhe do të publikohet më 30 prill, në bashkëpunim me 6 AM. Dy artistët pritet të sjellin një stil që i përfaqëson, duke synuar të tërheqin vëmendjen e publikut dhe të krijojnë një tjetër hit.
Kënga e saj e fundit, Harro, ka arritur rreth dy milionë klikime, duke konfirmuar suksesin e vazhdueshëm të artistes. Ndryshimet që ajo ka bërë në stilin muzikor vitet e fundit janë mirëpritur nga fansat dhe kanë ndikuar në rritjen e popullaritetit të saj.
Tashmë, mbetet për t’u parë nëse ky projekt i ri do të arrijë të tejkalojë sukseset e mëparshme dhe të konfirmojë edhe një herë pozicionin e saj në skenën muzikore shqiptare.
