Gjesti ndez rrjetin me një foto misterioze – romancë apo videoklip i ri?
Prej disa ditësh, emri i këngëtarit Gjesti është rikthyer në vëmendje, pasi në media dhe rrjetet sociale kanë qarkulluar lajme që aludojnë për një lidhje të re romantike.
Spekulimet nisën pasi artisti publikoi në profilin e tij në rrjete sociale një fotografi enigmatike, ku shfaqet dora e një vajze. Identiteti i saj nuk është zbuluar, çka ka nxitur menjëherë reagime dhe komente të shumta nga ndjekësit, duke ndezur thashethemet për një romancë të mundshme në jetën e tij private.
Megjithatë, sipas burimeve pranë artistit, fotografia nuk ka lidhje me ndonjë histori dashurie, por është pjesë e një projekti të ri muzikor që ai po përgatit. Mësohet se skena është realizuar gjatë xhirimeve të klipit më të fundit, ku çdo detaj është menduar me kujdes artistik.
Gjesti ende nuk ka bërë asnjë reagim publik mbi këtë situatë, duke e lënë të hapur mundësinë për interpretim. A është fjala për një lidhje të vërtetë apo një strategji artistike që do të zbulohet në klipin e ardhshëm? Publiku pritet të marrë përgjigjen së shpejti.
