Prej javësh në rrjetet sociale dhe në mediat online po qarkullonin lajme se këngëtari dhe ish-banori i “Big Brother VIP”, Jozefin Marku (Jozi), i ka dhënë fund lidhjes me të dashurën e tij, Xhoana Toshi.
Thashethemet për ndarjen e tyre u përhapën me shpejtësi, duke ngjallur kureshtje te fansat dhe ndjekësit e çiftit, të cilët kanë qenë gjithmonë aktivë në komentet e tyre në Instagram.
Por, duket se Xhoana ka vendosur t’i japë fund çdo hamendjeje.
Me një gjest të thjeshtë por domethënës, ajo ka shuar menjëherë çdo dyshim për një krizë në çift, duke treguar se marrëdhënia e tyre vazhdon më e fortë se kurrë.
Burime pranë çiftit bëjnë me dije se Xhoana dhe Jozi vazhdojnë të jenë bashkë, ndërsa ata vetë kanë zgjedhur të ruajnë privatësinë dhe të mos reagojnë publikisht ndaj zërave që qarkullojnë.
Në rrjete sociale, ndjekësit kanë komentuar se “heshtja e Xhoanës është përgjigjja më e bukur”, ndërsa të tjerë e kanë vlerësuar për mënyrën elegante me të cilën ka “mbyllur gojët e portaleve”.
Mesa duket, dashuria e Xhoanës dhe Jozit po përballon me sukses çdo fjalë të tepërt, duke dëshmuar se marrëdhënia e tyre nuk është thjesht për Instagram, por e bazuar në ndjenja të vërteta.
