Spekulime mbi raportin mes Eglit dhe Gjestit pas BBVA: Asnjë sinjal për vazhdimësi
Në emisionin “Goca dhe Gra” u trajtua raporti mes Egli Takos dhe Gjestit pas përfundimit të eksperiencës së tyre në Big Brother VIP Albania. Vëmendja u përqendrua te fakti se ata kanë fshirë njëri-tjetrin nga rrjetet sociale, çka ka nxitur spekulime për një përfundim të lidhjes së tyre.
Gerta Gixhari, një prej ish-banueseve të këtij edicioni, ndau mendimin e saj, duke pohuar se mes tyre nuk ka pasur asnjë vazhdimësi të marrëdhënies jashtë shtëpisë së BBVA. Sipas saj, mungesa e çdo ndërveprimi publik ose postimi të përbashkët e përforcon këtë ide.
“Egli nuk ka dhënë asnjë koment për këtë temë, ndonëse publiku ishte i interesuar. Nga sa kam parë, ata nuk kanë qenë në kontakt apo bashkë pas përfundimit të programit”, u shpreh Gixhari.
Ajo shtoi gjithashtu se të dy kanë shmangur çdo reagim publik që mund të sqarojë pozicionin e tyre: “Nuk kanë pasur asnjë dalje të përbashkët, as ndonjë reagim që të tregojë për një marrëdhënie, qoftë edhe për ta mohuar atë”.
Pavarësisht mungesës së një deklarate zyrtare nga vetë Egli apo Gjest, veprimet e fundit në rrjetet sociale – konkretisht ndjekja e ndërsjellë e hequr – kanë shtuar bindjen se çdo afrim mes tyre është tashmë i mbyllur.
Romanca që nisi brenda shtëpisë së Big Brother VIP, duket se nuk e ka kaluar pragun e show-t në jetën reale.
