Reperi Fero do të jetë i ftuari i radhës në podcastin e Arbana Osmanit, dhe mjaftoi vetëm publikimi i trailerit që rrjetet sociale të shpërthenin në diskutime.
Në videon e shkurtër, Fero shihet i prekur emocionalisht, teksa për herë të parë pas një kohe të gjatë flet për akuzat që e kanë ndjekur dhe për marrëdhënien me vajzën e tij.
Në fragmentin që është bërë viral, dëgjohet duke thënë me zë të dridhur:
“Nuk e kam dhunuar unë atë… nuk e do njeri vajzën tem më shumë sesa unë.
Të lutem, mundësoma me pa çikën.”
Këto fjalë kanë prekur publikun dhe kanë rikthyer në qendër të vëmendjes historinë e ndarjes së bujshme mes Feros dhe modeles Arbenita Ismajli. Çifti, dikur një nga më të komentuarit në showbiz-in shqiptar, u përfshi në debate publike dhe akuza të ndërsjella, që kulmuan me publikimin e dokumenteve zyrtare dhe deklaratave për dhunë në familje.
Fero dhe Arbenita kanë bashkë një vajzë të vogël, të cilën reperi nuk e ka parë prej kohësh. Në këtë intervistë, ai duket se përpiqet të tregojë versionin e tij të ngjarjeve, ndërsa fansat janë ndarë mes mbështetjes dhe kritikave.
