Heidi Baci është rikthyer për pak kohë në shtëpinë e “Big Brother VIP Albania”, këtë herë jo si konkurrente, por si pjesë e jurisë në spektaklin e organizuar nga banorët “Miss & Mister Big Brother VIP”. Së bashku me Egli Takon dhe Valbona Selimllarin, ajo vlerësoi performancat dhe dinamikat e krijuara brenda shtëpisë.
Një ditë më pas, e ftuar në emisionin “Shqipëria Live”, Heidi ndau përshtypjet e saj për lojën dhe analizoi mënyrën se si i sheh banorët nga jashtë, duke komentuar edhe garën drejt finales së madhe.
Sipas saj, Brikena është shfaqur më e rezervuar dhe e fokusuar për të kontrolluar çdo detaj, ndërsa Mateo ka treguar kujdes për ta respektuar në çdo moment. Nga ana tjetër, Gimbo dhe Selin janë dukur më të çlirët dhe më të fokusuar për të shijuar eksperiencën brenda shtëpisë.
Duke folur për finalistët e mundshëm, Heidi përmendi Selinin, Mirin, Rogertin, Mateon dhe Brikenën si konkurrentët që i sheh në garën finale. Megjithatë, ajo nuk fshehu edhe preferencën personale për fituesin e këtij edicioni.
“Unë do doja që ta fitonte Stenaldo… megjithatë edhe sikur ta fitojë Selin do isha e lumtur sepse është lodhur”, u shpreh Heidi gjatë intervistës.
Deklaratat e saj kanë nxitur reagime në rrjet, pasi fansat po analizojnë çdo koment dhe çdo parashikim në prag të finaleve që pritet të sjellin surpriza të reja në lojë.
