Një moment më intim dhe ndryshe nga tensionet e zakonshme është transmetuar në shtëpinë e “Big Brother VIP Albania”, ku Selin dhe DJ Gimbo kaluan një darkë romantike vetëm për vetëm, larg banorëve të tjerë.
Darka u organizua në dhomën e surprizave pas një kërkese të bërë nga Gimbo, duke krijuar mundësinë që dy banorët të sqaronin raportin e tyre dhe ndjenjat që janë komentuar prej kohësh brenda dhe jashtë shtëpisë.
Gjatë bisedës, Gimbo vendosi të ishte i drejtpërdrejtë, duke pranuar se prej disa kohësh ka ndjerë diçka më shumë dhe duke e pyetur hapur Selinin nëse edhe ajo ndan të njëjtat ndjenja. Ai tregoi se pyetja kishte ardhur pasi kishte filluar ta shihte marrëdhënien mes tyre ndryshe dhe dëshironte qartësi për atë që po ndodhte mes tyre.
Nga ana tjetër, Selin u shpreh se ndihet mirë në praninë e tij dhe se mes tyre ekziston një kimi, por theksoi se nuk ka deklaruar ende se ka ndjenja romantike.
“O Gimbo, unë akoma nuk kam thënë që kam ndjenja për ty,” u shpreh ajo gjatë darkës, duke lënë situatën të hapur për interpretim.
Momenti është komentuar gjerësisht në rrjetet sociale, ku fansat e formatit po diskutojnë nëse raporti mes tyre mund të kthehet në një romancë të re brenda shtëpisë, në një periudhë kur loja po hyn në fazat më vendimtare.
