Një tjetër moment tensioni ka tronditur shtëpinë e “Big Brother VIP Albania”, pasi një veprim i papritur nga Juela ka ndezur debat të fortë mes banorëve.
Gjithçka nisi kur Juela vendosi të hedhë në pishinë arushin e Brikenës, një dhuratë simbolike që i ishte bërë nga Mateo. Veprimi u interpretua nga banorët si një provokim i drejtpërdrejtë dhe shkaktoi reagime të menjëhershme brenda shtëpisë.
Situata u përshkallëzua kur Selin reagoi ashpër ndaj Juelës, duke mos i kursyer fjalët gjatë përplasjes verbale. Ajo u shpreh:
“Prandaj je e paplotësuar në shpirt, sepse je xheloze. O xheloze. Ti je kundër dashurisë, sepse je e paplotësuar. Idiote, budallaqe”.
Pas kësaj përballjeje, tensioni në shtëpi u rrit ndjeshëm, ndërsa banorët e tjerë u përfshinë në diskutime për situatën dhe dinamikat mes tyre. Drama u shtua edhe më shumë kur Juela vendosi ta hidhte arushin në pishinë për herë të dytë, duke nxitur reagime të forta dhe ndarje mes banorëve.
Ngjarja është bërë menjëherë virale në rrjetet sociale, ku fansat e spektaklit po komentojnë përplasjen dhe ndikimin që mund të ketë në raportet brenda shtëpisë dhe në lojën drejt finales.
