Poetja Mimoza Ahmeti vijon të jetë një nga figurat më të komentuara në “Ferma VIP”, falë stilit të saj të drejtpërdrejtë dhe batutave që shpesh kthehen në momente virale. Së fundmi, ajo është vendosur në qendër të vëmendjes për një situatë të pazakontë që po zhvillohet mbi ambientet e fermës.
Gjithçka nisi me një surprizë nga Tayna, e cila dërgoi një dron mbi spektakël, duke entuziazmuar banorët dhe duke bërë menjëherë xhiron e rrjeteve sociale. Pak më vonë, kësaj “loje ajrore” iu bashkua edhe Dafina Zeqiri, e cila surprizoi po ashtu Mozën me një tjetër dron, duke shtuar edhe më shumë interesin e publikut.
E frymëzuar nga këto momente, Mimoza reagoi në mënyrën e saj karakteristike, duke i drejtuar një thirrje publike edhe Era Istrefi. Me humor dhe spontanitet, ajo kërkoi që edhe Era t’i bashkohet kësaj “sfide”, duke ndezur menjëherë diskutime dhe reagime në rrjet.
Tashmë, publiku po pret me kureshtje nëse Era Istrefi do t’i përgjigjet kësaj ftese apo nëse gjithçka do të mbetet një tjetër episod viral që i shton dinamikë spektaklit.
