Një postim i fundit i ish-banores së “Big Brother VIP Kosova”, Xheneta Fetahu, ka ngjallur kureshtje të madhe në rrjetet sociale, duke ngritur dyshime se ajo mund të jetë fejuar.
Në fotot e publikuara nga pushimet e saj në bregdet, Xheneta shihet me një unazë në dorë që ngjason me ato të fejesës, çka ka bërë ndjekësit të spekulojnë për një hap të rëndësishëm në jetën e saj private.
Edhe pse ajo nuk ka dhënë ende asnjë koment apo detaj zyrtar mbi këtë çështje, ky veprim ka mjaftuar që komentet dhe spekulimet në rrjet të shpërthejnë.
Nëse Xheneta është vërtet e fejuar, mbetet mister identiteti i partnerit të saj, të cilin ajo duket se po e mban larg syrit të publikut. Ndjekësit janë në pritje të një konfirmimi nga vetë ajo, për të mësuar më shumë rreth kësaj romance të përfolur.
