Xheneta Fetahu për Gjestin: “Është mosmirënjohës, u bë i famshëm falë meje”
Ish-banorja e Big Brother VIP Kosova, Xheneta Fetahu, ka folur së fundmi për marrëdhënien me ish-partnerin e saj, këngëtarin Gjestin, me të cilin u njoh gjatë spektaklit.
Në një bisedë virtuale me tiktokerin Kozak, Xheneta u shpreh hapur se ndjen mosmirënjohje nga ana e Gjestit, duke theksuar se ai nuk e ka falënderuar asnjëherë për rolin që ajo luajti në rritjen e famës së tij.
“Është mosmirënjohës. U bë i famshëm falë meje,” – tha ajo, duke iu referuar lidhjes së krijuar gjatë kohës në shtëpinë e BBVK.
Romanca mes tyre, e cila nisi gjatë spektaklit, përfundoi pas përfundimit të tij dhe ka mbetur në qendër të vëmendjes për shkak të deklaratave të ndërsjella që kanë pasuar më pas.
